اویانیش

نئچه گون اونجه تانیش لارین بیرینین ماغازاسیندا اوتورموشدوم و توکان صاحابیلا ( کی خالچا و پتو ساتار ) صحبت لشیب و کیف احوال ائلییردیک کی بیر دن بیر کیشی و آرواد یاواش جا سینا توکانا گیردیلر ...

توکان صاحابی کی انولاری تانییردی آیاق اوسته دوروب و سالام لاشدی ... ده دی دونن آپاران متکا لادان خوشوزگه لدی یا یوخ ؟؟؟

ار و آرواد رنگ ویریب و رنگ آلدی لار و اوتانا اوتانا ده دیلر کی والله سوز ائله بو متکادا دی ... بیز بو متکا لاری آپاراننان ائویمیزه قان دوشوب ... توکان صاحابی سوروشدو نه دن ؟

آرواد باشلادی حال قضییه نی تعریف ائله دی . ده دی بیزیم ایکی اوغلوموز وار . اولار متکالاری گورن ثانیه دن باشلایبلار بیزی دانلاماغا کی سیز بو متکالاری آلماغیلا ائلیمیزه و تاریخیمیزه توهین ائدیب سیز .

من بیر ده ن بیره سوروشدوم نیه بو سوزی دئیرلر ؟

کیشی جواب وئردی کی : دئیرلر کی متکالارین اوستونده اولان شکیل بیزه توخونور .. آخی شکیل هخامنشی شاهلارینین شکیلی دی . ایندی ده گلمیشیخ تا متکالارین عوضینه بیر آیری متکا آپاراخ ...

اوز ایچیمده گولوب و سئویندیم . گنج لریمیز یوخودان اویانیب ...

گون اولسون کی هامیمیز یوخودان اویاناق ...

ستارخان

ستار خان - اسماعیل جمیلی

ستارخان
بویاسی گونشدن
نفسی باهاردان
تمیزلیگی سهندده قاردان
دایانیشی ساوالاندان
میشو تراوتلی ولکان حرارتلی
سئوگسیسی ائلدن گوجو آنا دیلدن
سئوداسی دوغما دیاردان .
تالانان تبریزین پوزولماز ووقاری
یاراشیغلی دوروشوغلو
اؤلکه مین یئنیلمز سرداری
خانلیغیله اؤزونو ائلینه قول سانان
دار گونونده عهده وفالی قالان

ستارخان
تاریخ سیناغیندا اونلو باشی اوجا
قوجامان ارک کیمی یارالی قوجا
قاراداغین غیرت قایناغی
دایانیشمانین اسن بایراغی
آغ علم لری ائندیرن ا ل
کؤنوللرده یوکسلن هیکل

ستارخان
آدینین کؤلگه سی بئله
تولکولرین توکون تؤکن
حسرت اولان نیسگیل قالان
تربتینین تورو بئله
دینازورلار قورقوسونو دیسکیندیرن
آپارتایدین قان قوخولو سارایلارین سیلکه له دن
قوللوقچولار سوروسونو ونگیلده دن

ستارخان
بابکین دوغما بالاسی
ائلین یئخیلماز قالاسی
آدی دیللرده دستان
یاشایان قهرمان
یاشانان آذربایجان
ستارخان ……