شمس و مولانا

شمس و مولانا آد لی کنگره و اونلاری آغیرلاماق آدی یله و اصلینده هر ایکیسینیده فارس ادبیاتینین سیمگه سی تانیتدیرماق ایچون خوی شهرین ده بیر تورن قورلدوکی بو مراسیم ده کی یابانجی اولکلردن گه لن شاعیرلر ده یئر آلمیشدیلار٬ بیر اولای منی چوخ اوزدی .

بو مراسیمین سون گونلرینده کی ائله بو خاریجی قوناقلار گه لمیشدیلر شمسین مزاری اوستونه مراسیمین مجری سی باشلادی اینگلیس دیلی جه اونلارا خوش گلدین دئمه یه . . . من ده ائله شمسین مزارینین قاباغیندا دورموشدوم . . . بیر قوجا کیشی ده منیم یانیمدایدی. مجری کی باشلادی اینگیلیسجه دانیشماغا بو کیشی بیر آز اونون سوزلرینه قولاخ آسدی سورا دونوب منه ساری دئدی :

- بورا مگر تهران دان دا آدام گه لیب ؟

سوروشدوم نئجه مگر حاجی ؟

منه بیر باخدی سورا دئدی:

- آخی بلندگو دا دانیشان آدام فارسی دانیشیر . . .

سوزوم بو مراسیم ده یوخ . . . اما منی اوزن و کدرلندیرن بو ایدی کی او قوجا آداما فارسی و اینگیلیسی دیللرینین هئچ فرقی یوخدی . . . هیچ بیرین باشا دوشمور ٬ بئله بیر آدام لار بیزیم آذربایجانیمیزدا آز ده ئیل . ایندی سیزجه او قوجا کیشی و اونون تای لاری ایرانین رادیو و تلویزیونون دا کی یاینلانان پروگراملارا نئجه باخا بولرلر . . .

اوشاق اولاندا بیر سوز دوشموشدی منیم دیلیمه کی اوینویورسان اوینا . . . اوینامیرسان دا جهنمه . . . ایندی ایران دولتینین ده سوزو ائله بودی . . . باخیرسیز باخین ... باخمیرسیز جهمنه ائله بودی کی وار .

بیر ده قاییداخ بو مراسیمه . . .

مولانا بلخین بیر ترک منطقه سینده دونیایا گه لیب . . . کونیا دا اولوب

شمس تبریز ده دونیایا گه لیب . . . خوی دا اولوب

بو ایکی آدام نئجه فارس اولا بولرلر الله اعلم . . .

اما فارس لارین اونلاری فارس تانیماق ایچون بیر گولملی دلیل لری وار اودا بو کی مولانانین شعرلری فارسجا دیر . . . اگر بئله اولورسا دئمک شهریار ٬ خاقانی ٬ قطران ٬ نظامی و ... فارس دیلار و ابو علی سینا ٬ فارابی ٬ شیخ بهایی عرب دیلر نیه کی اونلارین تامیله کیتاب لاری عربجه یازیلیب دی . . .

اما نیه بیزم شاعیرلریمیز فارس دیلینده شعرلرین یازیب لار ؟؟؟

بو سوالین یانلیز بیر جاوابی وار اودا بودور کی فارس دیلینده شعر یازماق راحت دی چون کی فارس دیلینده هم عربی کلمه لر و هم تورکی کلمه لر یئر آلیب لار و بو اوزدن ده فارسجا یازان شاعیرین الی آچیخ دیر . . .