خبرگان و شورا سئچگيلري
گونئي آذربايجان ايستيقلال پارتياسينين خبرگان و شورا سئچگيلري آچيخلاماسي
ايسلام اؤرتويو آلتيندا گيزلنميش جنايتكار فارس شؤونيسمينين ماهييتي ايران آدلانان اؤلكه ده اسير ميللتلر طرفيندن تانينيب و قينانديغي اوچون اونون خبرگان و رييس جمهور كيمي قوندارما سئچگيلرينده ايشتيراك ائدن لري سايي شيدت له آزالميشدير
فارس شؤونيسمي خبرگان آدلي سئچگيلرينده قطعي يئنيله جه ييني بيلديگي اوچون بو دفعه حيله كارليقلا خبرگان سئچگيلريني محلي شورالار سئچگيلرينی عيني گونده كئچيرمك ايسته يير. بو واسيطه ايله ده شورا سئچگيلرينده ايشتيراك ائدنلري خوبرگان سئچگي لري اشتيراكچيسي كيمي گؤسترمكله رژيم اؤزونه بين الميلل اعتيبار قازانماق ايسته يير. رژيم گؤسترمك ايسته يير كي گويا ايراندا دولت، ميللتلرين اشتيراكي و دموكراتيك اصول لارلا تعيين اولونور. اينديه قدر اشتيراكچيلارين وئرديي سس نيه و يا كيمه اولدوغونا اهمييت وئرمه يه ن فارس شؤونيسمي اؤز ايسته ديگي كيمي او سسلري تحريف ائديب ، ساييب و اوخوماقلا اؤز ايسته ديگي شخصي ايسته ديگي مقاما انتيصاب ائديبدير. باشقا سؤزده دئسك اينديه قدر ايران آدلانان اؤلكه ده انتيخابات يوخ بلكه انتيخابات اؤرتويو آلتيندا انتيصابات ايرلي سوروب. آمما گونو گوندن اوغورلوغو و يالانچيليقي اوزه چيخان رژيمين داها سئچگي شعالاري ديه حوققابازليقي هركسه آيدينلاشديغي اوچون اونون سئچگيلرينده كيمسه اشتيراك ائتمك ايسته مير. خصوصيله ده خبرگان آدلانان فساد منبعينه كيمسه سس وئرمك ايسته مه ديي اوچون محلي شورا سئچگيلريله خبرگاني قصدن عيني زامانا ساليبلار كي او سسلري اؤز اعتيبار و
ليژيتيمليكلري عنوانينا مصاديره ائتسينلر
گونئي آذربايجان ايستيقلال پارتياسي فارس شؤونيسميني موتجاويز ، ايشقالچي و زوراكيليق دولتي بيلير، اونا گؤره ده ايران آدلانان اؤلكه ني رسمييته تانيمير. رسمييته تانيماديغيميز اوچون ده ايران آدي داشيان بوتون سئچگيلري غربي آذربايجان ايستيثنا اولاراق قطعي تحريم ائديريك
غربي آذربايجان ايستيثنايي و موركب بير سياسي دؤنمي ياشاماقدادير. فارس شؤونيستلري آذربايجان و توركيه ايرتيباطين كسمك اوچون كوردلري خصوصيله ده تروريست « پ ك ك » و « پ ژ ا ك » نين عضو و طرفدارلارين غربی آذربايجانا يئرلشديرمكله غربي آذربايجانين تركيبين دييشديرمك ايسته يير. باخماياراق كي بو سياست آذربايجان توركلرينين آييقليقي نتيجه سينده يئنيلميشدير آمما اگر بيز غربي آذربايجاندا سئچگي لرده اشتيراك ائتمه سك او زامان كورد تروريستلري غربي آذربايجان نوماينده لري كيمي ش.رالاری اشقال ائدیب و اونونلادا غربي آذربايجاني كوردوستان كيمي گؤستريب ايدعا ائتمك لرينه شراييط ياراتميش اولاريق. يئني سئچگي لرده ايشتيراك ائتمه دييميز حالدا ميدان بوشلوغوندان كورد ترورچولاري محلي شورا و يا مجليسه گؤنده ريليب، غربي آذربايجان قوندارما كورد نوماينده چوخلوغو ايديعالاريلا كورد خئيرينه مصاديره اولا بيلر. البته بو فارس شؤونيسمي، كورد ترورچوسو و موتجاويز ائرمني لرين اورتاق استيراتژي سيدير. آنجاق بيز آذربايجانيلار غربي آذربايجاندا و باشقا كورد تهديدينده معروض بولوملرده سئچگيلرده جيددي ايشتيراكيميزلا فارس ، كورد و ائرمني توطئه لريني خنثي ائديب، رويالاريني
پوچا چيخارمالييق
محض بونا گؤره ده غربي آذربايجاندا بوتون گوجوموزله سئچگيلرده ايشتيراك ائديب تورک نمایندلرینی سئچمکله کرد
ترورچولارين اليني آذربايجاندان كسيب و بوتون باشقا يئرلرده ايسه سئچگيلري تام تحريم ائده رک فارس شؤونيست
دولتينه يوخ دئييب رد ائدک
ياشاسين مستقيل آذربايجان
رد اولسون فارس شؤونيسمي
گئله جک بيزيمدير
گونئي آذربايجان ايستيقلال پارتياسينين سؤزچوسو
Posted by Duman birliksevən at 12:01 ÖÖ::
--------------------oOo--------------------
1 Comments:
«خان!
اویان!
نه یاتیبسان؟
سردارسیزیق ائی اویان ستارخان!
بو گون نه یاتماق گونو
بو گون نه اویماق گونو
آمانین بیر گونودور
باشسیزیق ائی ...
باش گؤتور یوخودان اویان ستارخان!»
سایین دومان جنابلاری
سالام عرض ائدیرم قوللوغونوزا و ایظهار‌ـ‌لوطفونوزدن دولایی اؤز مینتدارلیغیمی بیلدیریرم. یقین بیلین تاریخیمیزین بو گونه دوشمه‌سی‌نین سببی بودور کی اؤز تاریخیمیزی اؤزوموز، دوزونو دئسک اؤزوموزه اورگی یانانلار یازمامیشلار. نتیجه‌ده قلم اکثر حاللاردا اؤزگه الینده اولموش و او دا اونو اؤز ایستگی ایله فیرلادیب و یالنیز اؤز خئیرینه اولانلاری یازمیش، ضررینه اولانلاری ایسه یا حذف ائتمیش یاخود دَییشمیشدیر. بو اوزدن یالانلاردان آری، دوزگونلوکلرله دولو اولان تاریخیمیزی اؤزوموز یازمالی‌ییق. آللاه رحمتلیک پروفسور زهتابینی باغیشلاسین، او بو گئرچگی دریندن دوشونموش و بو ایشه ده ال آتمیشدیر. بیزیم ایسه گؤره‌ویمیز او بؤیوک عالیمین یولونو داوام وئرمکدیر. یازی‌نین تورکجه یازیلماسینی وورغولامیشسینیز. دئمه‌لییم کی بو یازی‌نین اصلی تورکجه‌دیر، یعنی من اونو اوّلجه آنادیلیمیزده یازمیشدیم و حتی بئله بیر یئرده ده چاپ اولموشدور، آنجاق اونو فارسجایا چئویرمگی ده یئرلی گؤردوم و بورادا گتیردیم و «اورین» آدلی درگیده ده باسیلدی. آللاه ایسترسه موناسیب بیر فورصتده اونون تورکجه‌سینی ده تایپ ائدیب، وبلاگا قویاجاغام. وبلاگینیزدا گتیردیگینیز شعر ایسه گؤزل ایدی. بیر پارچاسینی یوخاریدا گتیردیم. هر حالدا سیزین آناوطنیمیز و آنادیلیمیزه اولان سئوگینیزی آلقیشلاییب، بیله‌نیزه عؤمور بویو ساغلیق و شنلیک و باشاریلار دیله‌ییرم. یئنه ده تنقیدی نظرلرینیزی گؤزله‌ییرم.
Yorum Gönder
<< Home