21 Azər

او حالده کي خبر آژانسلاري گينه آذربايجان باره سينده سس سيز قاليب و اوردا اؤز وئرن اولايلاري بايکوت ائتمگه چاليشيرلار٫

آمريکانين سسي راديوسو بيزي يالقيز بوراخماييب و داها اؤنملي بو کي ۲۱ آذر خبرلريني آذربايجان آديندا ياييب. باشقا خبر آژانسلاري سانکي هيچ بير اولاي اؤز وئرمه ييب باشقا ايشلر ايله مشغول اولوبلار. حال بو کي بو آژانسلار بللي تاريخي اولايلارين اينجه ليکلريني بيله يازارلار. راديو فردا احمد شاملونون دوغوم گؤنو باره ده مقاله لر يايينلاييب آما همان گؤنده بير ميللتين ايستيقلال ساواشلاريندان هيچ سؤز ائتمه ييب. بو ساده بير نمونه دير

.

.

خوي

.

بو گؤن آذربايجانين باشاباشيندا اولدغو کيمين خوي شهرينده شئنليکلر باشلاتيليب. بو ميللي شئنليکلرين بير تک آماجي وار: آذربايجان بيرليکده ميللي حکومت ايسته يير. خوي آچيق بيلي يوردوندا (دانشگاه آزاد خوي) ميللي اويرنجيلر طرفيندن داغيتيلان بير بيانيه ده هر کسه ۲۱ آذر گونو تبريک دئييليب. مينلرجه اويرنجي و غيراويرنجيه داغيتيلان بيانيه نين باشليقي ايسه بودور: آذربايجانين ياشام گؤنو
بيلي يوردو مسؤللاري بو بيانيه ني اؤنله ييب و توپلاماق ايسته ييبلر آنجاق بو ايشده باشاريلي اولماييبلار. بيانيه بيلي يوردونون بوتون بينالاريندا داغيتيلب. بيلي يوردونا گيرن امنيتي قوه لري ايسه هله ليک ايچريده ديلر

.

.

اويرنجيلر ايندي٫ آخشام چاغي ميللت ايله برابر شئنليکلره قاتيليبلار و اينانيلماز بير گئجه ياراتيرلار

.

تبريز

.

آخشام ۵-دن باشلايان شئنليکده چوخلو ساييدا آذربايجانلي ايشتيراک ائديب.آبرسان و يوسوف آباد بؤلگه لرينده ساييسيز فيشفيشا و تاراققا آتيرلير. اوشا و بويوک هامي ۲۱ آذر قوتلاماسينا قاتيليب و آذربايجان اؤچون شعارلار وئريرلر. يگان ويژه مامورلاري بو بؤلگه لره گؤنده ريليبلر و اطافي ساريبلار. آنجاق هله ليک ميللتين جوشقوسو دوام ائدير

.

.

اورمو

.

اورمو شهريندن آلديغيميز خبرلر اساسيندا ۲۱ آذر قوتلامالاري باشلاتيليب. چئشيتلي يئرلردن هاوايا آتيلان ايشيق ساچانلار شهرين سيماسيني ده ييشديريب. خيابانلاردا امنيتي ماشينلار گزير آنجاق هله توتوقلاما بيلگيسي گلمه ييب. فعاللاردان نئچه سي آذربايجان شعارلاريني خيابانلاردا يازيب و کاغذلار داغيتيرلار. ۲۱ آذر اؤچون ياييلان بيانيه لر و خصوصي ايله پيشه ورينين دانيشيقلاري ميللت آراسيندا داغيتيلير. ميللت کوچه لره چيخيبلار و موسيقي ايله شئنليکده ايشتيراک ائديرلر. چوخلو گئنج ماشينلاري ايله خيابانلاردا گزيب و ايشيقلاريني يانديريب٫سوندورورلر